هــالة فــوق الجميــع


يا هالة عيب انزلي و بلاش فضايح فوق
يا هالة عيب البسي توب العفاف و الزوق
دايره في نص الليل تلفي عـ الجدعان
في حسني مرمطوكي و فـ هاني خدتي خازوق

يا هالة عيب اختشي و اوعي بأه تصيعي
ده أجوجو لو فاق لك انتي كده تضيعي
لو جه في يوم انتفض و مكنوه منكـ
لا حيلحقك بدري و لا بيبو ولا قيعي

يا هالة روحي الحقي جوزك (علاء) تعبان
شالوا الألف منه ، إظهر يا حلو و بان
حرمة بشنب يحميك يا زينه النسوان
ده اللي يعدك دكر نقول عليه غلطان

كل اللي شافه قال باين عليه كداب
و الكدب ماله رجول لكن طلعله شناب
قالو و يكدب ليه ، قلنا عليه معذور
علشان بتاع هالة و ده أكبر الأسباب

يا هالة لمي علاء ده كدبه فاق الحد
و لسانه ينطق زيف ما وردش يوم على حد
و شهود يقولو حاجات عايزالها مفتي بجد
لو في جماعة ناس و بتدن الجمعة
يصلوا في الجمعة ولا في يوم الحد ؟

و هالة من يومها بتقول كلام موزون
ييجي الجدع من دول أأبجه العربون
افريقي ولا محلي ، الكل عندي زبون
و يا وقعتي السودة لو رجعوا العرجون

يا هالة روحي انضفي و توبي مـ الاجرام
و كفاية سرقه بأه ، مالك ده كله حرام
نهبتي مال اليتامى في وسط مالنا العام
حتى اسألي حمدي ووكالة الأهرام

و في وسط شلتها الانس ليه عوزة
متعب يا روح خالته ركابه مهزوزة
بركوتة يا جامد ، الهمة ملحوظة
سماكه يا حشاش قربلنا الجوزة
وفـ وسط دول هالة ، منورة القعدة
من كتر أكل الحرام بقيتي لظلوظة

يا هالة ماتحاوليش ، الكهن مش نافع
قلب البهايم داب و فـ حبها واقع
حطوكي فوق راسهم و هما بينادوا
يا حلوة يا مسهوكه ، يا حمرا بالفاقع

حلاوتك و انتي عاليه محطوطة فوق حطة
خليكي فوق روسهم و اتمايلي يا قطة
و تهزي ليه وسطك في وسط ناس ساقطة ؟
دانتي مقامك فوق .. هزيها و انتي فوق
و البت (قيمة) و (مبادئ) لمولك النقطة

جالي شيطان الشعر ، دب الكلام و انصرف
و جالي صبيانك و قالولي بطل قرف
كل القصيدة دي أصلا علامة خرف
لو كل عيل هرب ولا حكم انحرف
و لعيب يسيب بيته لابس ملايه لف
حتقول لي من هالة ؟
يكون في علمك بقى
في العك ده كله ....
هالة مهياش طرف .... !


هالة فوق الجميع

من ابداع احد الزمالكاويه

الامضاء

 بلطجي